Կարմիր բլուր
Ես և իմ դասընկերները ընկեր Իվետայի
հետ այցելեցինք Կարմիր
բլուր: Այն շատ հետաքրքիր
էր ինձ համար:
Կարմիր է կոչվում
բլուրը կարմիր գույնի կավահողի
պատճառով: Հին աշխարհի հզորագույն երկրներից մեկի՝ Վանի թագավորության վերջին փուլում հիմնված խոշորագույն կենտրոնը Թեյշեբա Աստծուն նվիրված Թեյշեբաինի քաղաքն է, որը Երևանի ներկայիս տարածքում գտնվող հայտնի Կարմիր բլուրն է: Միջնաբերդը երկհարկ
էր և շրջապատված
էր պարսպով: Առաջին՝
նկուղային հարկուը եղել է պահեստ, որն
ունեցել է 150 սենյակ: Բնակելի սենյակներն ու հանդիսավոր դահլիճները եղել են երկրորդ հարկում։ Բնակելի թաղամասերը կազմված են եղել առանձին տների խմբավորումից, երկու սենյակից բաղկացած տներն առջևում ունեցել են բակ՝ օջախով, խմելու ջրի մեծ կարասով և այլն։
Գիտնականներն արդեն մոտ երկու տասնյակ գերխիտ դասավորված դամբարաններ են պեղել: Թեյշեբաինին հրկիզվել և կործանվել է սկյութների և բնիկ ցեղերի հարձակումից, մ. թ. ա. մոտ
585 թվականին։ Ենթադրվում է, որ այն կարող է կործանված լինել նաև նախքան Ռուսա Գ-ն, որն իշխել ու գործել է Արգիշտիխինիլիում` Արինբերդում, իսկ Թեյշեբաինիում հետք չի թողել։ Քաղաքի գրոհը սկսվել է գիշերը և թշնամին ամրոց է մտել ոչ թե գլխավոր դարպասներից, այլ ամրոցի հյուսիս-արևմտյան կողմից, որտեղից էլ պեղումների ժամանակ հայտնաբերվեցին մեծ քանակությամբ սկյութական նետասլաքներ։ Կործանումից հետո կյանքը քաղաքում
այլևս չի վերականգնվել։
Комментариев нет:
Отправить комментарий